Эквадордун президенти Гильермо Лассо өлкөнүн бюджетин үнөмдөө үчүн жеке учагын сатат.
Бул тууралуу ал Твиттерге жарыялады. Белгилеп кетсек, өлкө башчынын учагы Эквадор
бийлиги тарабынан 2008-жылы 28 миллион долларга сатып алынган. Учакта үч кабина жана
ашкана бар, ал ошондой эле 14 жүргүнчүнү батыра алат. Эске салсак, буга чейин Румыниянын
мурдагы президенти Николае Чаушескунун жеке учагы 120 миң еврого бааланган.
Лайнер Ромавия мамлекеттик авиация кызматы тарабынан аукционго коюлган.
