Жакында мусулмандардын ыйык орозо айы башталат. Анда таң аткандан күн батканга чейин орозо кармашат. Коронавирус илдетине каршы эмдөө алуу орозону бузабы же жокпу көп адамды ойлондурууда.
Кыргызстан мусулмандар дин башкармалыгынын фатва бөлүмүнүн адиси Бактияр Токтогазы уулуна байланышканыбызда, төмөнкүлөрдү билдирди.
«Коронавируска каршы эмдөө кадимки эле укол сыяктуу болгондуктан орозону бузбайт» деди Бактияр Токтогазы уулу.
Белгилей кетсек, 29-мартта Кыргыз өлкөсүндө коронавирус инфекциясына каршы эмдөөнүн биринчи этабы башталып, биринчилерден болуп саламаттыкты сактоо жана социалдык өнүктүрүү министри Алымкадыр Бейшеналиев эмдөөдөн өткөн.
