Кыргызстанда 1-апрелден тарта бардык мамлекеттик кызматкерлердин маянасы көтөрүлбөйт.
Тагыраагы, айлыктын жогорулашы коопсуздук күчтөрүнө тиешелүү болбойт.
Мугалимдердин, дарыгерлердин, маданият жана илим кызматкерлеринин маянасы келерки айдан тарта көтөрүлөрүн министрлер кабинетинин жетекчиси Акылбек Жапаров билдирди. Маалыматка ылайык, бул 300 миңден ашык адамга тиешелүү болот. Жапаров белгилегендей, учурда салык жана бажы кызматтары бардык пландарды аткарып жатат.
Эгерде баары ушул темп менен улана турган болсо, анда 1-августтан тарта башка категориядагы мамлекеттик кызматкерлердин жана милиционерлердин айлыктары көтөрүлөт.
