Кыргызстанда мыйзамдарды инвентаризациялоо боюнча масшатбдуу иштер аткарылып жатат.
Юстиция министрлигинин маалыматына ылайык, экономисттер жана юристтерден турган эксперттик топ учурга карата 95 мыйзамды талдап чыкты.
Жыл аягына чейин алар 200дөн ашык документти карап чыгышы керек. Мыйзамдардын көбүнө өзгөртүүлөрдү киргизүү талап кылынса, калгандары күчүн жоготту деген чечим чыгарылды. Адистердин пикиринде, бул чаралар мамлекеттик органдардагы бюрократияны кыскартууга шарт түзөт.
