Мароккодогу стадиондордун бирине улуттук кураманын жана ПСЖ клубунун футболчусу Ашраф Хакиминин ысымы ыйгарылды. Спортчу өзү салтанаттуу ачылыш аземине катышты.
Эске салсак, Марокко курамасы дүйнө чемпионатынын жарым финалына чейин жеткен алгачкы африкалык команда болду. Мундиалдын плей-офф бөлүгүндө марокколуктар Испания, Португалия курамаларын утуп алса, жарым финалда Францияга жеңилген.
Үчүнчү орун үчүн беттеште Марокко-Хорватия курамалары кез келип, коло медалдарды европалык команда алып кеткен.
