Ош шаарында жана Ош облусунда Баткен облусуна гуманитардык жардам чогултуу уюштурулду.
Президенттин Ош облусундагы өкүлчүлүгүнөн билдиришкендей, бүгүн, 16-сентябрда 40 тоннага жакын гуманитардык жардам Баткен облусуна жөнөтүлөт.
Ош шаарынын мэриясы бүгүн Баткен облусуна бир нече тонна макарон, күрүч, картошка, сабиз, пияз, туз, ошондой эле балдар үчүн гигиеналык каражаттарды жөнөтөт. Ошондой эле кайдыгер карабаган жарандар тарабынан Баткен облусуна жөнөтүү үчүн азык-түлүк жана керектүү каражаттар келип түшүүдө.
