Жалпы республикалык тестирлөөгө бүтүрүүчүлөр атайын колдонмолор менен даярданса болот. Бул тууралуу Novosti.kgге Билимди баалоо жана окутуу усулдары борборунун директору Чынар Батракеева билдирди.
Анын айтымында, testing.kg сайтында акысыз видеосабактар жана онлайн тест жеткиликтүү. Андан тышкары, аймактык билим берүү башкармалыктарына колдонмолор жеткирилген.
Ошондой эле каалоочулар ЖРТнын тапшырмаларын камтыган китептерди борбордон сатып алса болот, — деди Батракеева. Эске салсак, жалпы республикалык тестирлөө 17-майдан 24-майга чейин өтөт.
