Бишкектин бир бөлүгүндө электр энергиясы өчүрүлөт. “Түндүкэлектрдин” маалыматына ылайык, эртең мененки саат 9дан кечки 6га чейин жарык Шевченко, Фирсов, Төкөлдөш, Москва, Тимирязев, Үмөталиев, Каралаев көчөлөрүндө, 6-кичи райондо, Ак-Ордо, Арча-Бешик, Алтын-Ордо конуштарында жок болот. Убактылуу чектөөлөр ремонттук иштерге байланыштуу.
Эми Москва шаарынан түз көл жээгине учуп келсе болот. Ысык-Көл эл аралык аэропорту туристтик мезгилге байланыштуу бүгүн 15-июлда Москвадан биринчи каттамды кабыл алат. Москва-Тамчы-Москва авиакаттамы жумасына үч ирет — дүйшөмбү, бейшемби жана ишемби күндөрү аткарылат. Билеттин баасын россиялык авиакомпания орнотот. Анын наркы азырынча белгисиз.
Кыргызстанда Курман айт майрамына карата 4 күндүк эс алуу жарыяланды. Министрлер кабинетинин төрагасы Улукбек Марипов кол койгон жарлыкка ылайык, 19-июлдагы иш күнү 24-июлга которулду. Курман айт быйыл 20-июлда белгиленет. Андан улам, кыргызстандыктар 17-июлдан 21-июлга чейин эс алат.
Кыргызстан мусулмандарынын Аалымдар кеңеши коронавируска каршы вакцина алуу жөнүндө фатва чыгарды. Бул тууралуу муфтияттын басма сөз кызматы кабарлап, коронавирустун жайылышынын алдын ала турган жалгыз ыкма — эмдөөдөн өтүү экенин билдирди. «Эмдөөнүн пайдасы менен зыяны медицинага таандык. Вакцинанын зыяны жок болсо, ислам дини эмдөөгө каршы… Кененирээк…
