Кыргыз-өзбек өнүктүрүү фондун түзүү жөнүндө макулдашуу ратификацияланды. Тиешелүү мыйзам долбооруна президент Садыр Жапаров кол койду. Фонд Кыргызстандын экономикасынын приоритеттүү тармактарында өзүн-өзү актаган долбоорлорду каржылайт. Уставдык капиталына Өзбекстан тарабынан 50 миллион доллар менен берилет. Кийин капитал 200 миллион долларга чейин жетет.
Бишкектиктерге газ үчүн карыздарды төлөө сунушталат. Муниципалитеттин маалыматына ылайык, төлөмдөр жүргүзүлбөсө, батирлерге көгүлтүр от берүү токтотулат, ал эми жеке үйлөрдүн түтүктөрү кесилет. Керектөөчүлөргө карыздарын жабууну жетилдетүү максатында компания 31-августка чейин акция киргизди. Анын алкагында сумма толугу менен төлөнсө, кошулган туум чийилет.
Республиканын тоолуу райондорунда сел жүрүү коркунучу сакталууда. Өзгөчө кырдаалдар министрилигинин маалыматына ылайык, ылай аралаш суу массасы жакынкы күндөрү жүрүшү мүмкүн. Жарандарга этият болуу сунушталат.
Ошто Эгемендүүлүктүн 30 жылдыгына карата алгачкы элеткробус чогултулат. Түштүк калаа мэриясынан билдиришкендей, унаада 40 отургуч болот, ал эми жалпысынан 80 адамды батырса болот. Бир жолку кубаттоо менен автобус 400 чакырымга чейин жүрө алат. Мэриядан билдиришкендей, транспорт чогултулуп жаткан ишканада учурда 300 адам эмгектенип жатат.
Кыргызстанда мугалимдердин жетишсиздиги сакталууда. Билим берүү министрлигинин маалыматына ылайык, келе жаткан окуу жылына 2 миңдей педагог жетпейт. Көбүнчө башталгыч класстардын мугалимдери талап кылынат. Ведомстводон белгилешкендей, быйыл педагогикалык факультеттердин бюджеттик бөлүмдөрүн 2 миңден ашык студент аяктады. Алардын бардыгы мектептерге иштөөгө кирсе, анда тартыштык жоюлмак.
Кыргызстан жогорку даражалуу конокторду тосууга даярданууда. Министрлер кабинетинин маалыматына ылайык, 19-20-августта Чолпон-Ата шаарында Евразиялык кеңеш аралык отурум өтөт. Иш-чарага Кыргызстан, Армения, Беларусь, Казахстан, Россиянын премьер-министрлери жана ЕАЭКтин төрагасы катышат. Отурум тар жана кеңири форматтарда өтөт. Өкмөт башчылар ар кандай маселелерди талкуулашат, анын ичинде… Кененирээк…
18-август күнү таңкы саат 04:43тө Ысык-Көл облусунда очогунда күчү 3 баллга жеткен жер титирөө катталды. Бул тууралуу Сейсмология институтунан билдиришти. «Жер титирөөнүн очогу Тар-Суу айылынан 14 чакырым түштүк-батыш, Балыкчы шаарынан 17 чакырым түндүк-батышта жайгашкан. Калктуу конуштарда жер титирөөнүн күчү Тар-Суу айылында 3 баллга чейин сезилди», — деп… Кененирээк…
Талас ОИИБинин жол кыймылынын коопсуздугун камсыздоо бөлүмүнүн кызматкерлери Талас шаарынын борбордук базарынын айланасын иретке келтиришти. Бул тууралуу облустук милициядан билдиришти. Билдирүүгө ылайык, 17-август күнү Талас облусунун Талас шаарындагы борбордук базарынын айланасында унаа токтоочу жайларында унааларды туура эмес токтотуп жол тыгындарды жараткан айдоочуларга жана эл… Кененирээк…
Бишкектин бир бөлүгүндө электр энергиясы өчүрүлөт. “Түндүкэлектрдин” маалыматына ылайык, эртең мененки саат 9дан кечки 6га чейин жарык Щербаков, Үмөталиев, Москва, Карасаев көчөлөрүндө, Арча-Бешик, Көк-Жар конуштарында жана Аламүдүн-1 кичи районунда жок болот. Убактылуу чектөөлөр ремонттук иштерге байланыштуу.
Кыргызстанда аңчылык сезону башталды. Экология жна климат боюнча мамлекеттик комитеттен “Азаттыкка” билдиришкендей, 14-августта башталган сезон алкагында кулжа-теке, кийик, каман жана айрым канаттууларга аңчылык кылууга уруксат берилди. Кулжа менен текени атуу декабрдын акыркы жумасында токтойт. Тоо текени атууга уруксат алыш үчүн кыргыз жарандары 10… Кененирээк…
