Казакстан Кыргызстанга коронавируска каршы QazVac вакцинасын бөлүп берди.
Бул тууралуу 24 агенттигине Саламаттыкты сактоо министри Алымкадыр Бейшеналиев билдирди.
Анын айтымында, гуманитардык жардам иретинде ушул жуманын аягына чейин өлкөгө вакцинанын 50 миң дозасы жеткирилет. Препарат россиялык “Спутник V” вакцинасынын негизинде жасалган. Аны менен ар бир каалоочу эмделе алат.
