Кыргызстанда калкты жана турак-жайды каттоо кайрадан жылдырылды. Улуттук статистика комитетинин төрагасы Акылбек Султановдун айтымында, 20-ноябрда эл каттоону өткөрүү мүмкүн болбой жатат. Себеби кызматкерлерге ноутбуктар жок.
Андыктан, процедура кийинки жылга калтырылды. Эске салсак, Кыргызстанда эл каттоо 23-марттан 1-апрелге чейин өткөрүү пландалып, пандемияга байланыштуу 20-ноябрга жылдырылган. Каттоо жараянын жүргүзүү максатында 28 миң адис даярдыктан өткөн болчу.
