Мыйзамсыз курулган үйлөрдөгү батирлердин үчтөн бир бөлүгүн жакырларга берүү сунушталды.
Архитектура, курулуш жана турак жай-коммуналдык чарба мамлекеттик агенттигинин башчысы Нуртазин Жетыбаев билдиргендей, борбордо 37 объект мыйзамсыз курулган.
Белгиленгендей, бардык мыйзам бузуулар документтерди берүү стадиясында башталган.
Тургундардын бир бөлүгү отурукташып калган объектилер үчүн турак жайдын жалпы аянтынын 30 пайызы муктаж бишкектиктерге берилиши керек.
Бузула турган объектилердин тизмеси бар, — деди чиновник.
Кошумчаласак, республика боюнча 120дан ашык уруксатсыз курулуш бар.
