Президент Садыр Жапаровду коштоп бараткан кортеждин бир унаасы
Ысык-Көл облусунда кырсыкка кабылып, Улуттук коопсуздук комитетинин
9-кызматынын бир офицери каза болду. Бул тууралуу президенттин маалымат кызматы билдирди.
Жапаровду коштоп бараткан автоунаа Ысык-Көл районунун Ананьево айылында
каршы тилкеге чыга калган жеңил машина менен сүзүшкөн. Алдын ала маалыматта айтылгандай,
каршыда келаткан машинанын айдоочусу мас болгон. Кырсыктан үч адам жабыркады.
Садыр Жапаровдун Ысык-Көл облусуна барары тууралуу маалымат эч жерде айтылган эмес.
