Бишкектин айрым аймактарында электр энергиясы өчүрүлөт. “Түндүкэлектрдин” маалыматына ылайык, жарык эртең мененки саат 9дан кечки 6га чейин Токомбаев, Жукеев-Пудовкин, Рыскулов, Кулиев, Матросов, Скрябин көчөлөрүндө, Ак-Босого, Рухий-Мурас, Арча-Бешик, Ак-Босого конуштарында жок болот. Убактылуу чектөөлөр ремонттук иштерге байланыштуу.
Президент Садыр Жапаров “Мамлекеттик жарандык кызмат жана муниципалдык кызмат жөнүндө” мыйзамга кол койду. Ага ылайык, мамлекеттик органдардагы статс-катчылар институту жоюлуп, анын функционалдык милдеттери мамлекеттик органдардын жана жергиликтүү өз алдынча башкаруу органдарынын жетекчилеринин орун басарларынын бирине жүктөлөт.
Бишкекте айланма жолдогу жана Сокулук районундагы көмүр саткан жайларда рейд жүргүзүлүүдө. Монополдукка каршы жөнгө салуу мамлекеттик агенттигинен билдиришкендей, рейддин алкагында сатуучулар арасында кара отундун наркын негизсиз жогорулатпоо боюнча түшүндүрүү иштери жүргүзүлдү. Эске салсак, Кыргызстан аймагында көмүрдүн баасын мамлекет убактылуу жөнгө салат. Чечим… Кененирээк…
Парламенттик шайлоонун үгүт өнөктүгү башталды. Агитация 27-ноябрга чейин уланып, добуш берүү 28-ноябрда өтөт. Шайлоого катышуучу саясий партиялардын жана бир мандаттуу округдардан катышкан талапкерлердин бюллетендеги ордун аныктоо үчүн чүчү кулак 30-октябрда кармалат. Бул ирет Жогорку Кеңеште 90 депутат болот. Анын 56сы партиялык ачык тизме… Кененирээк…
