Бишкектеги “Арча-Бешик” конушуна канализация тармактары орнотула баштады.
Мэриянын маалыматына ылайык, иштер Бедибаев, Ойсул-Ата, Айылчиев,
Абдрахманов көчөлөрүндө аткарылат. Ошондой эле 12-көчөдөн 18-көчөгө чейин
орнотулуп жаткан тармак 200гө жакын үйгө туташтырылат. Анын узундугу 1,5 чакырымды түзөт.
Келишим боюнча курулуш иштерине дээрлик 3 миллион сом жумшалат.
Пландалгандай, иштер майдын аягына чейин жыйынтыкталат.
