Швейцариянын, Германиянын өкмөттөрү жана Евробиримдиктин структуралары Кыргызстанга дээрлик 10 миллион евро бөлөт. Каражат “жашыл экономика” долбоорлорун өнүктүрүүгө жумшалат. Бул боюнча келишимге Бишкекте кол коюлду.
Сумма грант түрүндө берилет, программанын өзү үч жылга эсептелген. Анын алкагында ар кандай тармактар, анын ичинде энергетика, чакан жана орто бизнеске колдоо көрсөтүлөт.
Белгилеп кетсек, жыл башынан бери Европа кайра калыбына келтирүү жана өнүктүрүү банкы Кыргызстандагы бир катар ири долбоорлорду 41 миллион еврого каржылады.
