Азия өнүктүрүү банкы Чолпон-Ата шаарындагы канализация жана тазалоочу жайларды курууга 56 миллион доллар бөлөт. Архитектура, курулуш жана турак жай-комуналдык чарба мамлекеттик агенттигинен билдиришкендей, тиешелүү протоколго кол коюлду.
Белгиленгендей, каражаттын бир бөлүгү насыя, калганы гранттык негизде берилет. Анын алкагында Чолпон-Атада саркынды сууларды тазалоочу жай жана 100 километрден ашык блок ичиндеги тармактар курулат. Ага ылайык, бардык санаторий, пансионат, курорт жана конок үйлөрү системага кошула алат.
