Мэрия унааны туура эмес жерге токтоткон айдоочуларга салынган айыптын
көлөмүн жогорулатуу ниетинде. Бул тууралуу унаа саясаты боюнча
Бишкектин вице-мэри Азиз Алымкулов билдирди. Анын айтымында,
ордо калаада унаалар 400 миңге жетет. Учурда «Унаа токтотмо жайлары»
ишканасы менен долбоор иштелип жатат. Ага ылайык, көчөлөргө бир катар
чектөөлөр киргизилет. Мындай иштер жол инфраструктурасын
жакшыртуу максатында жасалып жатат.
