Ордо калаанын борбордук жана магистралдык көчөлөрүндө жарыктандырууга чектөөлөр киргизилбейт.
Бул тууралуу улуттук энерго холдингдин башчысы Таалай Байгазиев билдирди. Анын айтымында,
бул тынч жана кыймыл азыраак болгон экинчи даражадагы көчөлөргө тиешелүү. Түнкү саат 12ден
кийин ал жактарда жарыктандыруу өчүрүлүшү керек. Чектөөлөр ошондой эле кафе жана
ресторандарга дагы тиешелүү. Бирок, талаптарды аткарбаган үчүн жоопко тартуу болбойт.
