Ош облусунда жасалма дем алдыруучу аппарат өндүрүлө баштады.
Бул тууралуу премьер-министр Кубатбек Боронов билдирди. Анын айтымында,
коргонуу каражатын өндүрүү машина куруучу заводдун алкагында жүргүзүлүп жатат.
Эгер ал сыноодон өтө турган болсо ата мекендик өндүрүштөгү жасалма дем алдыруучу
аппараттарды колдонууга мүмкүнчүлүк түзүлөт. Белгилеп кетсек, учурда аталган
медициналык жабдууга муктаждык бар. Алар бир катар чет өлкөлөрдөн алынып келинүүдө.
