Бишкекте дагы 2 күн жылуу болуп, андан соң суук кайтат. Синоптиктердин маалыматына ылайык, бүгүн ордо калаада аба табы 3 градуска дейре жылыйт. Эртең андан дагы жылуу болушу күтүлөт — +9 градус. Бирок бейшембиде Бишкекте суук болуп, кар жаайт. Мындай аба-ырайы дээрлик 23-декабрга чейин созулат.
Январда аба-ырайы өтө суук болбойт. Бул тууралуу Кыргызгидромет билдирет. Жаңы жылдын алгачкы айында Кыргызстандын көпчүлүк аймактарында абанын температурасы климаттык нормадан 2 градуска жылуу болот. Ал эми Жаан-чачындын айлык көлөмү нормадан арбын болушу күтүлүүдө.
Синоптиктер аба-ырайы кескин өзгөрүшү боюнча шашылыш билдирүү таратат. 13-декабрдан 15ине чейин өлкөнүн көпчүлүк аймактарында кар жаайт. Мындай аба-ырайы коммуналдык кызматтардын иштөөсүнө тоскоолдук жаратат. Айдоочуларга жолдо жүрүүдө этият болуп, унаалар ортосундагы аралыкты сактоосу кажет. Ошондой эле жайкы шиналарды кышкыга алмаштыруу зарыл.
Абанын рекорддук жылуу болушу кечээ, 4 -декабрда катталды. Синоптиктердин билдирүүсүндө, Бишкекте күндүзү термометр 20,3 көрсөттү. Буга чейин рекорддук көрсөткүч 1971-жылы 13-декабрда катталып, анда 23,3 чейин жеткен. Кошумчаласак, эртеңден баштап аба-ырайы кескин түрдө өзгөрүп, кечинде кар аралаш жаан жаап, суук болушу күтүлөт.
Бишкекте аба-ырайынын кескин түрдө төмөндөшү күтүлүүдө. Синоптиктердин билдирүүсүнө ылайык, бүгүн жана эртен күндүзү 16 градуска чейин жылуу болуп, тункүсүн 0дөн 5ке чейин көтөрүлөт. Ал эми жума күнү асманды булут каптап, түнкүсүн карга өткөн жаан жаайт. Аба табы 5 градустан жогорулабайт.
