Чүйдүн Дмитриевка айылында террорчулукка шек саналган куралчан адамды жок кылуу учурунда жабыркаган укук коргоо кызматкеринин абалы туруктуу. Бул тууралуу Саламаттык сактоо министрлиги билдирди.
Жабырлануучунун сол санына ок тийип, Улуттук госпиталга жеткирилген. Бейтаптын операциядан кийинки абалы канааттандырарлык деп бааланууда.
Атайын операциянын жүрүшүндө эки күч кызматкери жаракат алган. Бирөөнө амбулатордук жардам көрсөтүлгөн.
Бүгүн Ысык-Ата районунун Дмитриевка айылында террорго шек саналган адамды кармоо операциясы болгон, бирок шектүү куралдуу каршылык көрсөтүп, натыйжада жок кылынган.
