Жалал-Абад шаарында 150 орундуу бала бакча ачылды. Жергиликтүү мэриядан билдиришкендей, эки кабаттуу имаратта балдар үчүн бардык шарттар түзүлгөн.
Бакчанын курулушуна 84 миллион сом жумшалды. Каражат Жалал-Абад шаарын өнүктүрүүгө республикалык бюджеттен бөлүнгөн 2 млрд сомдун эсебинен бөлүнгөн.
Белгилеп кетсек, шаарда мектепке чейинки 27 муниципалдык билим берүү мекемеси бар.
