АКШнын агенттиги Кыргызстанга 285 миң китеп берди.
Билим берүү министрлигинен билдиришкендей, окуу куралдары өлкөдөгү
1 миңден ашык мамлекеттик мектептерге жана китепканаларга берилет.
Басылмалар — башталгыч класстардын окуучуларына арналып, кыргыз жана
орус тилдеринде. Жаңы китептер аңгеме, жомок, ырлар, табышмак жана
мектеп курагындагы жаш балдарга арналган чыгармаларды камтыйт.
Китептер Кыргызстан балдарына туура келиши үчүн
жергиликтүү авторлор менен биргеликте иштелип чыкты.
