Бишкекте массалык уулануу болду. Бул тууралуу мамлекеттик санитардык-эпидемиологиялык көзөмөлдөө борборунан билдиришти.
Маалыматка ылайык, уулануу 5-май күнү Чүй кең көчөсү 110 дарегиндеги «Эл эмне жейт?» тез татым жайында болуп, анда 11 адам шаурма жегени аныкталган.
«Аныкталган мыйзам бузуулар боюнча протокол түзүлүп, 13 000 сом айып салуу жөнүндө токтом кабыл алынды жана бузууларды жоюу үчүн санитардык буйрук берилди.
Уулануунун себептери такталып, лабораториялык изилдөөлөрдүн жыйынтыгы чыкканга чейин аталган тез татым жайы убактылуу жабылды», — деп жазылат маалыматта.
