Бул жылдын январь-февралында Кыргызстандан 105 миллион 830 миң доллар которулду. Бул тууралуу Улуттук банктын маалыматында айтылат. Кеп жеке жактардын акча которуу системасы, банктык мобилдик тиркемелер, электрондук капчыктар аркылуу жөнөткөн акча тууралуу жүрүп жатат.
Бул өткөн жылдын алгачкы эки айына салыштырганда 1 миллион долларга аз.
Белгилеп кетсек, адаттагыдай эле, Кыргызстанга которулган сумма алда канча көп. Быйылкы жылдын эки айында өлкөгө 464,5 миллион доллар келди.
