Аксыдагы “Кербен” аэропортун оңдоо иштери ушул жылдын август аягына чейин бүткөрүлүшү керек.
Мындай тапшырманы Жогорку Кеңештин төрагасы Нурланбек Шакиев “Манас” эл аралык аэропортунун жетекчилигине берди, — дешти парламенттин басма сөз кызматынан.
Маалыматка ылайык, учурда аба майдандын аэробекети заманбап шартта толугу менен оңдолгон.
Бирок учуу тилкелерин кеңейтүү жана аларды асфальттоо иштери аягына чыга элек.
Жалал-Абад облусундагы “Кербен” аэропорту ишке берилсе Аксы, Ала-Бука, Чаткал райондорунун, Таш-Көмүр шаарынын жана Шамалдуу-Сай, Кызыл-Жар шаарчаларынын 350 миңден ашуун тургундары үчүн борборго каттоого шарт түзүлөрү белгиленди.