Кыргыз-казак чек арасындагы «Кичи-Капка» жана «Камышановка» өткөрмө бекеттеринин иши жанданат. Бул боюнча тиешелүү макулдашуу кабыл алынганы Астана шаарында Кыргызстандын президенти Садыр Жапаров менен Казакстандын мамлекет башчысы Касым-Жомарт Токаев сүйлөшүүлөрдүн жыйынтыгы боюнча берген брифингде белгилүү болду.
Талас жана Чүйдөгү чек ара бекеттеринин ачылышы эки тараптуу сооданы жакшыртууга жана өткөрүү пункттардагы катталып келген тыгынды жоюуга өбөлгө болору айтылды.
