Кыргызстанда коронавирус жуккан медицина кызматкерлерине эртеңден
тартып жөлөк пул бериле баштайт. Саламаттыкты сактоо министрлигинин
юридика бөлүмүнүн башчысы Азамат Жумакеев “Азаттыкка” билдиргендей,
мамлекеттен компенсация төлөө маселеси чечилип, тиешелүү буйрук бүгүн чыкты.
Ал жерде оору жуккан медицина кызматкерлерине 200 миң сом, ал эми
каза болгондорго 1 миллион сом деп көрсөтүлдү. Жалпысынан 5-майга карата
Кыргызстанда коронавирус 843 адамдан табылды, алардын 217си медицина кызматкери.