Кыргызстандын грек-рим күрөшү боюнча курамасы Азия чемпионатында медалдык зачетто экинчи орунду ээледи. Команда 144 упай топтоду. 200 упайы менен биринчи орунду Ирандын курамасы алды, үчүнчү орунда Япония жайгашат.
Биздин кураманын капчыгында 1 алтын, 2 күмүш жана 3 коло медалдар бар. Алтынды Жоламан Шаршенбеков алса, күмүш медалдарды Раззак Бейшекеев менен Акжол Махмудов багындырды. Эске салсак, күрөш боюнча Азия чемпионаты кечээ Бишкекте жыйынтыкталды.
