Ордо калаада мыйзамсыз орнотулган 79 жарнамалык конструкциялар алынды.
Бишкек башкы курулуш ишканасынын маалыматында, Биринчи май жана
Ленин райондоруна жер пайдалануу жана курулуш башкармалыгынын,
ошондой эле “Тазалыктын” кызматкерлери менен биргеликте рейд жүрдү.
Анын алкагында айрымдары иш-чарага каршы чыгышса, кээ бир ишкерлер
мыйзамдуу жарнама баннерлерин орнотууга кайрылышууда.
Муниципалдык ишканадан белгилешкендей, конструкциялар
алынгандан кийин кайра эле аларды орнотуу уланып жатат.
Тиешелүү кызматкерлер тарабынан аларга өз убагында чара көрүлүүдө.
