Жалал-Абад облусунда муктаждарга АКШнын эл аралык өнүктүрүү агенттиги (ЮСАИД) тарабынан 9 тонна азык-түлүк таратылды. Бул тууралуу президенттин Жалал-Абад облусундагы өкүлчүлүгүнөн билдиришти.
Маалыматка ылайык, ЮСАИДдин «Тынчтык үчүн азык-түлүк» программасынын алкагында майыптыгы бар жарандарга, балдардын психологиялык социалдык стационардык мекемесине, карылар үйүнүн жашоочуларына, кургак учук, ВИЧ/СПИД борборунун даарылануучуларына кургатылган азык-түлүктөр берилди.
Белгиленгендей, демилге муктаж жарандарды витаминдүү азыктар менен камсыздоо жана ден соолугун чыңдоо максатында ишке ашырылып жатат.
