Сузактын вирус аныкталган аймактарына блок-посттор орнотулду. Жалал-Абад облустук ички иштер башкармалыгынын башчысы Кылыч Жолдошев билдиргендей, 19 блок-пост карантин жарыяланган Бостон, Благовещенка жана Орто-Азия айылдарында пайда болду. Бул айылдарда адамдардын кирип-чыгуусуна чектөө киргизилди. Жергиликтүү тургундар арасында түшүндүрүү иштери жүргүзүлүүдө.
Кыргызстан чет өлкөлүктөрдүн кирүүсүнө тыюу салды. Бул тууралуу Тышкы иштер министринин орун басары Нурлан Абдрахманов билдирди. Ал белгилегендей, Кыргызстанга келүүнү пландап жаткан чет өлкөлүк жарандарга бардык категориядагы виза берүүнү токтотту. Чектөөлөр дипломаттарга, эл аралык уюмдардын өкүлдөрүнө, эл аралык каттамдагы учактар менен поезддердин айдоочуларына тиешелүү… Кененирээк…
Алматыда жумушчулардын 70 пайызына үйдө отуруп иштөө сунушталды. Жергиликтүү басылмалардын маалыматында, токтом мамлекеттик кызматкер, менчик иш-каналар, уюмдар менен мекемелердин кызматкерлерине тиешелүү. Белгилеп кетсек, коңшу өлкөнүн Нур-Султан жана Алматы шаарларында карантин жарыяланды. Бүгүн түндөн тарта пандемияга каршы иш-чаралар аткарылат. Учурда вирус жуктуруп алгандардын саны 35ке жетти.
Ордо калаанын бардык коомдук унаалары каттамдардан кийин толугу менен дезинфекцияланууда. Буга карата хлор кошулмасы бар аралашма колдонулат. Тазалоо иштери отургучтарда, кармагычтарда, руль жана унаа каалгаларында дыкат жүрүп жатат. Белгилеп кетсек, Бишкекте жүргүнчүлөрдү ташуу үчүн каттамдарга күнүнө 140 автобус чыгат. Болжол менен дагы ушунча троллейбус бар.
Кыргызстанда өзгөчө кырдаал жарыялоо маселеси бүгүн чечилет. Бул тууралуу Саламаттыкты сактоо министри Космосбек Чолпонбаев билдирди. Анын айтымында, бул маселе коронавирус инфекциясынын өлкө аймагына кирүүсүн алдын алуу жана жайылышына жол бербөө боюнча республикалык штабдын жыйынында каралып, чечим кабыл алынат. Учурда Сузак районунда 3 адамдан вирус аныкталды.… Кененирээк…
Коронавирусту алдын алуу боюнча ыкчам штаб тынымсыз байланыш номерлерин ишке киргизди. 0312 323202 номери аркылуу жарандар вирус боюнча бардык суроолору менен адистерге кайрыла алат. Ошондой эле 0770 895556 номери менен WhatsApp мессенджери иштөөдө. Эске салсак, бүгүн Кыргызстанда коронавирус жуктуруп алган ачгачкы учур катталды. Алар Жалал-Абадда… Кененирээк…
Бишкекте пандемияны алдын алуучу чаралар жогорку деңгээлде күчөтүлдү. Мэриянын токтомуна ылайык, спорттук иш-чаралар, маданият тармагы, музыкалык жана ушундай багыттагы мектептер, коомдук мекемелер ишин токтотту. Мындан сырткары соода борборлорунун, кафе-ресторандардын ээлерине ишмердүүлүктү токтотуп туруу сунушу берилди. Көрүлүп жаткан чаралар 6-апрелге чейин күчүндө болот.
Сузак районундагы эки айылга өзгөчө кырдаал жарыяланды. Бул тууралуу райондун акими Эрмекбай Омошев “Акипресске” билдирди. Анын айтымында, Благовешенка жана Бостон айылдарына карантин жарыяланды. Буга коронавирус аныкталган 3 жаран аталган аймактын жашоочулары болгону себеп. Ал эми Саламаттыкты сактоо министри Космосбек Чолпонбаев Кыргызстанда вирусту аныктоочу лабораториялар эл… Кененирээк…
Коронавирус аныкталгандар менен байланышта болгон 90 адам обсервацияга жаткырылды. Алардын арасында ооруга чалдыккандар менен Шаржадан бир учакта чогуу келгендер да бар. Белгилеп кетсек, бүгүн Кыргызстанда вирус 70, 62, 43 жаштагы 3 адамдан аныкталды. Алар Сауд Арабиясында Умра сапарына барып келгендер. Мындан улам, пандемиялык кырдаалга байланыштуу… Кененирээк…
Кыргызстандагы бардык окутуу курстары токтотулат. Билим берүү министрлиги кошумча билим берген уюмдарга ишин 8-апрелге чейин токтотуп туруу сунушун берди. Ведомстводон билдиришкендей, жалпы республикалык тестирлөөгө даярдаган, айдоочулук, тил, компьютер сыяктуу жааттарда кошумча билим берген бардык курстарды 17-марттан 8-апрелге чейин ишин токтотуп туруу сунушу берилди. Тиешелүү кат… Кененирээк…
