Казакстандан кыргызстандыктарды эвакуациялоо уланууда. Тышкы иштер министрлигинин маалыматына ылайык, Кыргызстандын Алматыдагы Башкы консулдугу жана кыргыз диаспоралары иш алып барып, 9-январда 14 жаран мекенине жеткирилди. Андан тышкары, 15 адам поезд менен жөнөтүлдү. Бул жаатта иштер дагы уланат, — дешти министрликтен.
Кыргызстандын хоккей боюнча курамасы Евразия чемпиону аталды. Түркиянын Стамбул шаарында өткөн биринчиликке биздин өлкөдөн тышкары, Болгария, Түркия жана Босния-Герцеговинанын курамалары катышты. Кыргызстандык хоккейчилер финалда Босниянын спортчулары менен кез келип, 5:2 эсебинде жеңишке жетти.
“Унаа” мамлекеттик ишканасынын бөлүмдөрү жана унаа тейлөөчү борборлор ишин бүгүн жандантат. Бул тууралуу Санариптик өнүктүрүү министрлигинен билдиришти. Андан такташкандай, Борборлор бүгүнтөн тарта кадимки тартип менен иштейт. Белгилеп кетсек, “Унаа” мамлекеттик ишканасынын бөлүмдөрү жана унаа тейлөөчү борборлор 1-январдан 9уна чейин иштеген жок.
Бишкекте быйыл 15 мектеп куруу пландалууда. Мэр Айбек Жунушалиев министрлер кабинетиндеги кеңешмеде билдиргендей, ордо калаада жыл аягына чейин 15 мектеп курулуп, андан тышкары, иштеп жаткан мектептерде кошумча корпустарды куруу пландалды. Бул максатта мамлекеттик бюджеттен атайын берене менен каражат каралды. Белгилеп кетсек, учурга карата… Кененирээк…
