Бишкек шаардык кеңеш шайлоолоруна катышууга арыздар 1-мартка чейин кабыл алынат. Бул тууралуу ордо калаа шайлоо комиссиясынын жетекчиси Кайрат Маматов билдирди.
Анын айтымында, бүгүнкү күнгө карата 14 саясий уюмдан арыз келип түштү. Эске салсак, Бишкек жана Ош шаардык кеңештери 45 мандаттан турат. Шайлоолор патиялык система менен өтүп, депутаттар 4 жылга шайланат. Добуш берүү 11-апрелде өтөт.
