Кыргызстанда өзгөчө кырдаал режими күчүндө.
Министрлер кабинетинен билдиришкендей, жокко чыгаруу чечими азырынча кабыл алына элек.
Буга чейин Жогорку Кеңештин жыйынында Санариптик өнүктүрүү министрлигинин өкүлү депутаттын суроосуна жооп берип жатып, өзгөчө кырдаал режими алынганын билдирген.
Бирок бул чечим качан кабыл алынгандыгын тактаган эмес.
Эске салсак, өзгөчө кырдаал өлкөдө 2020-жылдын жазында коронавирус инфекциясынын биринчи учурлары аныкталгандан кийин киргизилген.
