Кыргызстанда ушул тапта 1 783 киши 33 медициналык мекемеде гемодиализ алып жатат. Бул тууралуу 21-июнда Саламаттык сактоо жана социалдык өнүктүрүү министрлиги кабарлады.
Кыргызстандагы бөйрөк кемтигинен жабыркагандардын көйгөйү гемодиализ жабдуусуна байланышкан. Өлкөдө трансплантация ишке ашпагандыктан бейтаптар 30-40 миң доллар топтоп, чет өлкөлөргө барып операция жасатууга мажбур болушат.
Бөйрөк кемтигинен жабыркагандар бөйрөк аткаруучу функцияны жасалма жол менен аппарат аркылуу жасатып, канын тазалатып турат.
