Нарын облусунун Ак-Талаа районунда жаңы бала бакча пайда болду.
Жерге-Тал айылында жайгашкан мектепке чейинки даярдоо мекемеси
50 орундуу. Коомчулукту өнүктүрүү жана инвестициялоо агенттигинен
билдиришкендей, бакчада балдарды тарбиялоого бардык шарттар түзүлдү,
оюн аянтчасы каралып, эмерек, техника жана жабдуулар менен камсыздалды.
Иштерге аталган агенттик аркылуу 17 миллион сом жумшалды.
