Обсервация жана госпиталда жаткан жарандардын тамак-ашына 38 миллион сом сарпталды.
Бул тууралуу өзгөчө кырдаалдар министри Замирбек Аскаров билдирди. Анын айтымында,
жалпысынан 33 миң жаранга 779 миң порция тамак берилди. Мындан тышкары обсервация жана
госпиталдык жайларды даярдоо, дезинфекциялоо иштерин жүргүзүү, бейтап жана медицина
кызматкерлерин үч маал тамак менен камсыз кылуу, гуманитардык жардамдарды кабыл алуу,
аларды сактоо жана жерине жеткирүү кызматтарына ведомство жооптуу болот.
