Садык Шер-Нияз Кыргыз өлкөсүнүн Франциядагы элчиси болуп дайындалды. Ошондой эле ал Бириккен улуттар уюмунун Билим берүү, илим жана маданият маселелери боюнча уюмундагы (ЮНЕСКО) Кыргыз Республикасынын туруктуу өкүлү болду.
Бул тууралуу бүгүн, 24-июнда президенттик аппараттын маалымат кызматынан билдирип, тиешелүү жарлыкка Садыр Жапаров кол койгонун белгиледи.
Садык Шер-Нияз «Айтыш» коомдук фондунун негиздөөчүсү, кинорежиссёр. Ал VI чакырылыштагы «Ата Мекен» фракциясынан Жогорку Кеңештин депутаты болгон.
