Саламаттык сактоо министрлиги сыноо долбоордун алкагында “универсалдык медайым” кызматын ишке киргизүүдө.
Мекемеден белгилешкендей, бул долбоор өткөн жылдан бери медайымдык тейлөөнүн сапатын жогорулатуу максатында ишке ашырылып келе жатат.
Ыкма буга чейин кызыл зоналарга кирген бөлүмдөрдө колдонулган.
Эми башка ооруканаларга жайылууда.
Анын алкагында, процедуралык, кийинтүүчү жана палаталык медайымдын ордуна бир адам бейтаптын абалына көз салып, баа берип, өзгөрүүлөрдү оңдоп, көйгөйлөрдү аныктайт деп болжолдонуп жатат.
Муну менен ар бир медайымга оорулуулардын белгилүү бир саны дайындалат, тагыраагы, диагноздун оордугуна жараша 8ден 15ке чейин.
