Түндүк-Түштүк унаа жолун куруу иштеринин экинчи фазасы аяктоо алдында.
Экинчи фазада Жумгал районунан Тогуз-Торо районунун Казарман айылына
чейинки жолду куруу пландалып, тилкенин 100 чакырымына асфальт төшөлдү.
Андан тышкары, буга чейин жол жок болгон Кабак капчыгайында дагы жаңы
тилке пайда болду. Ошондой эле Нарын дарыясында 2 эстакадалык көпүрө курулду.
Курулуштун узундугу 1,5 чакырымды түзөт. Ал эми толук курула турган
Түндүк-Түштүк трассасынын жалпы узундугу — 433 чакырымды түзөт.
