Токиодо өткөн жайкы олимпиада оюндарынан медаль уткан спортчуларга убадаланган сый акы берилет.
Бул тууралуу Novosti.kgге дене тарбия жана спорт агенттигинин басма сөз кызматынан билдиришти.
Андан белгилешкендей, учурда Кыргызстанга спортчулардын бары келе элек. Тагыраагы дагы 4 атлет
12-августта өлкөгө учуп келет. Андан кийин акчалай сыйлыктарды тапшыруу күнү белгиленип,
буга чейин бекитилген суммадагы акчалар ээлерине тапшырылат. Эске салсак, министрлер
кабинети алтын уткан спортчуга 10 миллион сом, күмүш алгандарга 7, ал эми коло байге алгандарга
5 миллион сом сый акы убада кылган. Биздин балбандар Олимпиада оюндарынан
2 күмүш жана 1 коло медаль жеңип келишти.
