Улуттук банк Улуу Жеңиштин 75 жылдыгына карата коллекциялык монета чыгарды.
Башкы каржы мекемесинин сайтында жазылган маалыматка ылайык, монета
күмүш жана жез-никелден. Тыйындын алдыңкы бетин көгүчкөн түзөт, арткы фонунда
Кызыл Армиянын жоокерлеринин жана офицерлеринин «Жеңиш автографтары»
жазылган Рейхстаг дубалы чагылдырылат. Ал эми арткы бетинде «75» деген сандын
фонунда «28 Баатырдын эрдиги үчүн» мемориалдык комплексинин элеси түшүрүлгөн.
