1-июндан тартып Ысык-Көлдө эс алууга уруксаат берилди.
Бул тууралуу Маалымат жана туризм министри Азамат Жаманкулов билдирди.
Алгач эс алуу пансионаттары жана үйлөрдүн санитардык талаптарды сактоо
эрежелерин атайын комиссия текшерет. Андан кийин гана алардын иштөөсүнө уруксат берилет.
Министр белгилегендей, кичи автобус жана автобустарда вирустун жугуу кооптуулугу жогору
болгондуктан жарандарга жеңил унаа менен баруу сунушталат. Ушундай эле
тапшырмалар туристтик сапарларды уюштурган фирмаларга да тапшырылды.
