Баткенде кыргыз-тажик чек арасындагы соңку куралдуу кол салуудан жабыркаган, талкаланып-өрттөлгөн үйлөрдү, имараттарды 30дан ашык тергөө тобу тактап жатат.
Облустук ички иштер башкармалыгынын маалыматына караганда, чыгымдарды эсептөө жана сапаттуу иликтөө жүргүзүүнү тиешелүү мамлекеттик мекеме-органдардын өкүлдөрү аткарууда.
Чек ара тилкелеринде милициянын атайын күндүзгү жана түнкү кайгуул топтору күнү-түнү күчөтүлгөн режимде кызмат өтөп жатат.
Эске салсак, кол салууда жалпы 622 үй жабыркаган болсо анын 427си жашоого жараксыз, 195и ондоп түзөөгө муктаж экени аныкталган.
