Бишкек ЖЭБинин чыпкалары текшерилет. Тиешелүү тапшырманы премьер-министрдин милдетин аткаруучу Артем Новиков Экономикалык кылмыштарга каршы күрөшүү кызматына берди.
Анын айтымында, текшерүүнү объективдүү жүргүзүү үчүн мүмкүнчүлүктөр Каржы полициясында Экотехинспекцияга караганда көбүрөөк. Андан тышкары, ЖЭБди газ менен иштеткенде канча чыгым кетерин эсептеп чыгуу тапшырмасы берилди, — деди Новиков.
Белгилеп кетсек, кыш башталгандан бери Бишкектин асманын көк түтүн басты. Адистер муну ЖЭБке, турак-жайларда от жагылганына жана унаалардан чыккан түтүнгө байланыштырып келишет.
