Бишкектин бардык буу казандары кыштан ийгиликтүү чыгып алууга даяр. Буга мэр Айбек Жунушалиев ишендирүүдө.
Анын айтымында, 23 буу казан газ менен жылыса, 21и көмүр менен, 11 электр энергиясы аркылуу жана 11 буу казан аралаш система менен иштейт.
Шаар жетекчиси белгилегендей, учурда объектилер дагы эле жылуулукка кошулуп жатат. 50 саламаттыкты сактоо объектисине, 100дөн ашык мектеп жана бала бакча, 2 миңден ашык батирге жылуулук берилди. Эске салсак, Бишкекте жылуулук сезону 5-октябрда башталды.
