Кыргызстанда жол эрежелерин бузган чет элдик номерлери менен унаалардын айдоочуларын кантип жоопкерчиликке тартуу керектигин ойлонуп жатышат.
Санариптик өнүктүрүү министринин орун басары Асель Кененбаеванын айтымында, бардык бузуулар “Коопсуз шаар” долбоорунун камералары аркылуу каттоого алынат, бирок аларга айып салуунун жол-жобосу иштелип чыккан эмес.
Андыктан, учурда бул маселени чечүү боюнча бир нече варианттар каралып жатат, анын ичинде ЕАЭБ мамлекеттери менен маалымат алмашуу процедурасы дагы бар.
