Боом капчыгайында таштарды атайылап түшүрүү жумуштары аяктады.
Бул тууралуу «Кыргыз темир жолу» мамлекеттик ишканасы билдирди.
Маалыматка ылайык, Бишкек-Нарын-Торугарт унаа жолунун 129-чакырымындагы таштарды түшүрүү иштеринде жалпы 22 темир жолчудан турган жумушчу топ иштеди.
Алардын ичинен атайын даярдыктан өткөн 6 альпинист кооптуу таштарды атайын шаймандар менен түшүрдү.
Мындай иш-чара жылына эки жолу – жаз жана күз мезгилинде аткарылат, убактысы бир айга чейин созулат.
